Simon Peter went up and drew the net to land, full of large fish, a hundred and fifty-three; and although there were so many, the net was not torn. John 21:11

О Трито Послание е Јованескоро

О Трито Послание е Јованескоро (pdf)

Глава 1

1 О старешина џико мангло Гај, кас со мангавале ко чачипе.

2 Мо мангло, мангава туке те овел туке шукар ко са хем те ове састо, сар со хем тано шукар тле душаке.

3 Уствари, бут радујнѓума кога але о пхрајља хем посведочинѓе баши тло чачипе, сар ту џаја ко чачипе.

4 Баши манге нае побари радост таро одова: те шунав дека ме чхаве џана ко чачипе.

5 Мо мангло, постапинеја верно ко са со ќереја баши о пхрајља, хем одова баши о јабанџие,

6 кој англи црква посведочинѓе тло мангипе: ка ќере шукар, ако испратинејален пало начин, сар сој тано достојно англо Девел,

7 соске путујнена баши Олескоро анав, на приминѓе ништо таро народиа.

8 Хем аѓар, амен сијем дужна те примина асавкен, за да те ова соработниќа е чачипаскере.

9 Хем пишинѓум нешто е цркваке, ама о Диотреф, кој мангела те овел прво машкар оленде, на приминѓамен амен.

10 Одолеске ако авава одори, ка потсетинав баши олескере дејља, со ќерелален, нападинѓамен билачхе лафенцар, хем на задоволинелапе одолеја, него коркори на приминела е пхрален, а околенге кој мангена те приминенлен, забранинела ленге хем гонинелален тари црква.

11 Мо мангло, ма углединтут ко билачхипе, него ко шукарипе. Кој ќерела шукар таро Девели тано; кој ќерела билачхипа, на дикхља е Девле.

12 Баши о Димитрија синеле сведоштво таро сарине – хем таро коркоро чачипе. А хем амен сведочинаја; а џанеја дека амаро сведоштво тано чачикано.

13 Синема те пишинав туке бут, ама на мангава те пишинав туке мастилоја хем перо,

14 а надинавама дека ка дикхавтут скоро, хем ка ќера лафи усно.

15 Мир туја! Поздравиненатут о пријатејља! Поздравин е пријателен ко анав!